ՖԻՖԱ-ն ոչ հերքել, ոչ էլ հաստատել է Ռուսաստանի հավաքականին ԱԱ-2022-ին մասնակցությունից զրկելու մասին լուրերը

 Ֆուտբոլի միջազգային ֆեդերացիան (ՖԻՖԱ) չի հաստատել այն տվյալները, որ Ռուսաստանի հավաքականին արգելվելու է մասնակցել 2022 թվականի Աշխարհի գավաթի խաղարկությանը: Այս հարցին անդրադարձել է ՖԻՖԱ-ի մամուլի ծառայությունը․

«Մենք ոչինչ չունենք ավելացնելու մեր դեկտեմբերյան հայտարարությանը, որում մենք հաղորդել ենք, որ ՖԻՖԱ-ն կապի մեջ է WADA- ի և ASOIF- ի [Միջազգային ամառային օլիմպիական մարզաձևերի ֆեդերացիաների ասոցիացիայի] հետ՝ թե որքանով WADA-ի գործադիր կոմիտեի որոշումը կազդի ֆուտբոլի վրա»:

Այսօր bein SPORTS հեռուստաալիքը հաղորդել էր, որ Ռուսաստանի հավաքականը չի մասնակցի 2022 թվականի Աշխարհի գավաթի խաղարկությանը` Համաշխարհային հակադոպինգային գործակալության (WADA) որոշմամբ:

Աղբյուր  ArmSport.am