Թբիլիսիում ձերբակալել են իր երեխաներին եւ ամուսնուն ծեծած Մոլդովայի քաղաքացուն

Մոլդովայի 33-ամյա քաղաքացուն Թբիլիսիում ձերբակալել են ընտանեկան բռնության մեղադրանքով։ Այս մասին հայտնում է Վրաստանի ներքին գործերի նախարարության մամուլի ծառայությունը ։

Քննությունը պարզել է, որ գտնվելով ալկոհոլի ազդեցության տակ ՝ մեղադրյալը ֆիզիկական եւ բանավոր վիրավորանքներ է հասցրել իր 34-ամյա կնոջը, ինչպես նաեւ 10 եւ 15 տարեկան երեխաներին:

ՆԳՆ-ում հայտարարում են, որ այդ փաստն արդեն առաջինը չէ, եւ մեղադրյալի ընտանիքի անդամների նկատմամբ բռնի գործողությունները եղել են սիստեմատիկ:

Մոլդովայի քաղաքացու նկատմամբ քրեական գործ է հարուցվել երկու կամ ավելի անչափահաս անձանց եւ ընտանիքի այլ անդամների նկատմամբ ընտանեկան բռնության փաստով: Ձերբակալվածին սպառնում է 1-3 տարվա ազատազրկում։