Պուտինը պատրաստակամություն է հայտնել օգնել Չինաստանին կորոնավիրուսի դեմ պայքարում
Ռուսաստանի նախագահ Վլադիմիր Պուտինը հեռագիր է ուղարկել Չինաստանի Ժողովրդական Հանրապետության ղեկավար Սի Ցզինպինին, որում ցավակցություններ է հայտնել Չինաստանում կորոնավիրուսի բռնկման կապակցությամբ: Այս մասին տեղեկացնում է Կրեմլի մամուլի ծառայության կայքը:
ՌԴ նախագահը շուտափույթ ապաքինում է մաղթել բոլոր հիվանդներին և համոզմունք է հայտնել, որ համաճարակի տարածումը կկանխվի ղեկավարության ջանքերի միջոցով:
«Ռուսաստանի նախագահը պատրաստակամություն է հայտնել անհրաժեշտ օգնություն ցուցաբերել բարեկամական Չինաստանի ժողովրդին և տեղեկացրել է, որ Ռուսաստանի իրավասու մարմինները կենտրոնացած են չինական համապատասխան կառույցների հետ սերտ համագործակցության վրա, որպեսզի արագ հաղթահարեն այս համընդհանուր սպառնալիքը»,-ասված է հաղորդագրության մեջ:
Վերջին օրերին ամբողջ աշխարհում մարդիկ խուճապի են մատնվել սրընթաց տարածվող մահացու կորոնավիրուսի պատճառով: Հիվանդների ու զոհերի թիվն օրեցօր ավելանում է, իսկ վարակման դեպքեր են արձանագրվել նաև Չինաստանից դուրս մի շարք երկրներում, ինչը հանգեցրել է համաշխարհային խուճապի:
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին