Ֆրանսիայում արդարացրել են սեքս-աղմուկի հետ կապված կաթոլիկ կարդինալին

Ֆրանսիական կաթոլիկ հոգեւորականության բարձրաստիճան ներկայացուցիչներից Ֆիլիպ Բարբարինը արդարացվել է բողոքարկման արդյունքում, հայտնում է BBC News-ը։

Լիոնի 69-ամյա արքեպիսկոպոսը մեղադրվում էր մեկ այլ հոգեւորականի սեռական բռնությունները քողարկելու մեջ։

Այդ դեպքը ցնցել էր ֆրանսիական կաթոլիկ եկեղեցին։

Մեղադրանքի կենտրոնում քահանա Բերնար Պրեյնան է, որը մեղավոր է ճանաչվել 1980-1990-ականներին տասնյակ բոյսքաութների հանդեպ սեռական բնույթի հանցագործությունների կատարման մեջ։

Աղմկահարույց գործի հետ կապված տեղեկատվության համաձայն, կարդինալ Բարբարինին միայն 2014-ին են հայտնի դարձել հոգեւորականի հանցանքները։ Այն ժամանակ նա այդ մասին տեղեկացրել է Վատիկանին եւ հասել է նրան, որ Պրեյնան հեռանա պաշտոնից։