Ուզբեկստանի նախագահի դուստրը հեռացել է պետության ղեկավարի աշխատակազմում իր պաշտոնից
Կոմիլ Ալամժոնովը եւ Ուզբեկստանի նախագահի դուստր Սաիդա Միրզիյոեւան հեռացել են պետության ղեկավարի աշխատակազմի Տեղեկատվության եւ զանգվածային կոմունիկացիաների գործակալության տնօրենի եւ փոխտնօրենի պաշտոններից՝ կապված ոչ պետական հատվածում աշխատելու մտադրության հետ, հայտնում է «Sputnik-Ուզբեկստան»-ը։
Ալամժոնովը եւ Միրզիյոեւան իրենց հեռանալու մասին հայտարարել են նախագահի աշխատակազմի ղեկավար Զայնիլոբիդին Նիզոմիդինովի գլխավորությամբ անցկացվող ընդլայնված նիստի ժամանակ, որը տեղի է ունեցել չորեքշաբթի օրը։
Նրանք իրենց աշխատանքի մասին հաշվետվություն են ներկիայացրել գործակալությանը եւ խոսել են «հասարակական գործունեության հետ կապված» իրենց ապագա ծրագրերի մասին։
«Նիստի վերջում Զայնիլոբիդին Նիզոմիդինովը հատուկ նշել է գործակալության ձեռքբերումները եւ բարձր գնահատել Կոմիլ Ալամժոնովի եւ Սաիդա Միրզիյոեւայի անձնական ներդրումը ԶԼՄ-ների ոլորտում դեմոկրատական բարեփոխումների իրականացման, լրագրողների եւ բլոգերների պաշտպանության մեջ․․․»,-ասվում է հոդվածում։
Տեղեկատվության եւ զանգվածային կոմունիկացիաների գործակալության տնօրենի պաշտոնակատար է նշանակվել Դիլշոդ Սաիջանովը։
Կոմիլ Ալամժոնովը գործակալությունը ղեկավարում էր 2019թ․ փետրվարի 4-ից, Սաիդա Միրզիյոեւան փոխտնօրենի պաշտոնը զբաղեցնում էր անցյալ տարվա ապրիլից։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Թրամփի խոսքերը Մակրոնի՝ պաշտոնից շուտափույթ hեռացման մասին, ստիպում են մտածել նրա հասցեին վենեսուելա...
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Պետական արգելոցի ֆոտոթակարդները կրկին նկարահանել են կովկասյան ընձառյուծին