ԱՄՆ-ում բնակվող հայազգի մարտիկը խոստացել է այնպես անել, որ ազգը հպարտանա իրենով

Խառը մենամարտերի հայազգի մարտիկ, ԱՄՆ-ը ներկայացնող Դավիթ Ռոբերտսը ծրագրում է հաջորդ տարի պայմանագիր կնքել մենամարտերի ուժեղագույն լիգաների` Bellator-ի և UFC-ի հետ:

« Bellator-ում ինձ հետաքրքրում է Դիլոն Դանիսը: Նրա հետ ես հաճույքով կմրցեմ: Նա ֆանտաստիկ շատ երկրպագուներ ունի»,- մեջբերել է Դավիթի խոսքերը «Armenia MMA»-ի Instagram-ի էջը:

30-ամյա Դավիթ Ռոբերտսը MMA-ում առայժմ մեծ փորձ չունի, բայց ունի 100 տոկոս արդյունք: Նա անցկացրել է 4 մենամարտ և 4-ում էլ հաղթել է: Նա խոստովանել է, որ շատ է սիրում հայերին և խոստացել է այնպես անել, որ ազգը հպարտանա իրենով: Դավիթը, որն ի դեպ, նաև ավտոարշավորդ է, իր հաղթանակներից հետո միշտ բարձրացնում է հայկական եռագույնը: