Արեւելյան Աֆրիկայում մորեխների հարձակումն ամենասարսափելին է վերջին 70 տարվա ընթացքում
Քաղցած մորեխների խմբերը ոչնչացնում են բերքն Արեւելյան Աֆրիկայում, ինչը միջատների ամենասարսափելի հարձակումն է վերջին տասնամյակում:
AP-ի տվյալներով՝ Քենիայում մորեխների հարձակումն ամենասարսափելին էր վերջին 70 տարում: Միջատներն այդտեղ հայտնվում են Եթովպիայից եւ Սոմալիից եւ իրենցից հետո թողնում ավիրված գյուղատնտեսություն երկրի այն մասում, որն արդեն իսկ տառապում է սովից:
ՄԱԿ-ում հայտարարել են, որ խնդիրը կարող է սրվել մարտին, երբ այդ շրջանում սկսվեն անձրեւները, ինչը կհանգեցնի նոր բուսականության ի հայտ գալուն: Մորեխները կարող են շատանալ 500 անգամ, եթե դրանց վերացման ուղղությամբ անհապաղ քայլեր չձեռնարկվեն:
Մորեխների մեկ փոքր խումբը կարող է օրական ուտել բերքը, որը կարող է կերակրել 35 000 մարդու:
Մորեխները նաեւ տարածվում են ուրիշ երկրներում, ինչպիսիք են Ուգանդան եւ Հարավային Սուդանը, որտեղ ֆերմերներն անհանգստանում են, որ իրենց բերքը կարող է հաջորդը լինել:
Մորեխների դեմ պայքարի համար անհրաժեշտ է շուջր 70 մլն դոլար:
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին