«Արարատ-Արմենիան» հաղթել է կիպրական թիմին հայկական ֆուտբոլին ծանոթ հաշվով

Ֆուտբոլի Հայաստանի չեմպիոն «Արարատ-Արմենիայի» մամուլի ծառայությունը ներկայացրել է Կիպրոսի Պաֆոս քաղաքում տեղի ունեցած ստուգողական հանդիպման գոլերը։ Վարդան Մինասյանի գլխավորած առաջին թիմը 9։1 հաշվով հաղթել էր Կիպրոսի երկրորդ դիվիզիոնը ներկայացնող «Ակրիտասին»։

Հայկական թիմը հաղթել է 9-1 հաշվով: Դուբլի հեղինակ է դարձել Մայլսոն Լիման, մեկական անգամ աչքի են ընկել Զակարիա Սանոգոն, Անջելո Մենզեսը, Արմեն Նահապետյանը, Գոռ Մալաքյանը, Հովհաննես Հարությունյանը, Ռոչդի Աչենտեն և թիմի նորեկ Յուսուֆ Օտուբանյոն:

Երեւանյան թիմը ստուգողական հանդիպումներ կանցկացնի նաեւ Պաֆոս քաղաքի հավաքական թիմի (հունվարի 26), Ռումինիայի երկրորդ լիգան ներկայացնող «Ունիվերսիտատ Կլուժի» (փետրվարի 2) եւ ռուսական «Ուրալի» հետ (փետրվարի 2)։