Չինաստանում տարածվող նոր կորոնավիրուսի հետևանքով մահացածների թիվը հասել է 17-ի

Չինաստանում բռնկված 2019-nCoV կորոնավիրուսի համաճարակի հետևանքով ևս մի քանի մարդ է մահացել:

Ինչպես հայտնում է Lenta.ru-ն, հղում անելով չինական աղբյուրին, վերջին տվյալներով՝ զոհերի գրեթե թիվը կրկնապատկվել է՝ հասնելով 17-ի:

Նախկինում հաղորդվում էր 9 զոհի մասին: Վիրուսով հիվանդացած մարդկանց թիվը ներկա պահին կազմում է 455:

Հունվարի 22-ին հայտնի է դարձել, որ Ռուսաստանում ևս կասկածվում է հիվանդության գրանցման առաջին դեպքը. Շանհայից Սանկտ Պետերբուրգ ժամանած տղամարդուն հոսպիտալացրել են վիրուս ունենալու կասկածանքով:

РИА Новости-ի տվյալներով՝ Հոնկոնգի ղեկավարությունից հայտնել են, որ Ուհան քաղաքից ժամանած զբոսաշրջիկի մոտ նույնպես վիրուս է հայտնաբերվել:

Ավելի վաղ հայտնի էր դարձել Հարավային Կորեայում, Ճապոնիայում, ԱՄՆ-ում և Թաիլանդում վիրուսով հիվանդանալու դեպքերի մասին:

Հիվանդության մասին առաջին տեղեկությունները ստացվել են 2019-ի դեկտեմբերին: Նոր վիրուսն սկսել է տարածվել Չինաստանի Հեբեյ նահանգի Ուհան քաղաքում: Ավելի վաղ հաստատվել է, որ հիվանդությունը փոխանցվում է մարդուց մարդուն: