Չինաստանում 6.4 մագնիտուդ ուժգնությամբ երկրաշարժ է տեղի ունեցել

Չինաստանի հյուսիսարևմտյան Սինցզյան-Ույգուրյան ինքնավար շրջանում 6.4 մագնիտուդ ուժգնության երկրաշարժ է տեղի ունեցել: Այս մասին հայտնում է Life.ru-ն՝ հղում անելով Չինաստանի սեյսմոլոգիական կենտրոնին:

Ինչպես նշվում է, ստորգետնյա ցնցումը գրանցվել է 21:27-ին տեղի ժամանակով (17:27 երևանյան) Կաշգար քաղաքում: Երկրաշարժի էպիկենտրոնը գտնվել է Ցզյաշի կիրճի տարածքում, իսկ օջախը՝ 16 կմ խորությամբ: Տուժածների և ավերածությունների մասին դեռևս տեղեկություն չի ստացվել: