Ուկրաինայում հրապարակվել է նախարարների աշխատավարձերի չափը. ամենաաբարձրն Արսեն Ավակովինն է

Ուկրաինայի կառավարության մամուլի ծառայությունը հրապարակել է նախարարների միջին աշխատավարձերի չափը, ամենաբարձր աշխատավարձը ստանում է ՆԳ նախարար Արսեն Ավակովը:

Ինչպես հայտնում է РИА Новости-ն, վերջինս 4200 դոլար է ստանում, իսկ վարչապետ Ալեքսեյ Գոնչարուկը՝ ամսական միջինում շուրջ 2500 դոլար աշխատավարձ է ստանում:

Ավելի վաղ ուկրաինական պարբերականը տեղեկացրել էր արդարադատության նախարար Դենիս Մալյուսկայի բարձր աշխատավարձի մասին. դեկտեմբերին նա 3 ամսվա պարգևավճար էր ստացել՝ 190 400 գրիվնայի չափով (7900 դոլար): Աղբյուրի տվյալներով՝ վերջինիս աշխատավարձը դեկտեմբերին կազմել է 226 000 գրիվնա (9400 դոլար):

Նշվում է, որ Ուկրաինայում նվազագույն աշխատավարձը 2019-ին ավելացել է 10 տոկոսով և կազմել է 4100 գրիվնա (180 դոլար):