Մոսկվայում օդի ջերմաստիճանի բացարձակ ռեկորդ է գրանցվել

Հունվարի 16-ին Մոսկվայում գրանցվել է 3,2 աստիճան տաքություն, ինչը բացարձակ ռեկորդային է այդ օրվա համար: ՌԴ մայրաքաղաքի օդերևութաբանական կանխատեսումների 140-ամյա պատմության ընթացքում սա առաջին անգամն է: Փոխանցում է «Известия»-ն:

Հունվարի 16-ի համար նախորդ ռեկորդը գրանցվել էր 1925 թվականին, երբ օդի ջերմաստիճանը հասել էր 3,1 աստիճան տաքության:

Ավելի վաղ հայտարարվել էր, որ դեկտեմբեր ամսվա անոմալ եղանակային պայմաններում Մոսկվայում գրանցվել էր միանգամից երեք ռեկորդ` դեկտեմբերի 18-ին` + 5,6, դեկտեմբերի 19-ին` + 6,6, իսկ դեկտեմբերի 23-ին` + 6,2 աստիճան: