Քանի որ հոգեւորական եմ, չեմ կարող սուտ ասել. Թուրքիայում կալանված ասորի քահանան ընդունել է, որ օգնել է քուրդ զինյալներին
Թուրքիայի Մարդինի ասորական եկեղեցու հոգեւորական Սեֆեր Բիլեչենը 5 օր կալանքի տակ մնալուց հետո ազատ է արձակվել։
Թուրքական Artigercek կայքի փոխանցմամբ՝ ասորի հոգեւորական Սեֆեր Բիլեչենը ազատ արձակվելուց հետո ասել է, որ դատարանում իր կալանման պատճառ է դարձել իր խոստովանությունը, որ ինքն իրոք օգնել է քուրդ զինյալներին։ «Քանի որ հոգեւարական եմ, չեմ կարող սուտ խոսել։ 2018 թվականին 2 քուրդ զինյալ եկան վանք, ինձնից ուտելիք խնդրեցին։ Ես իմ հավատքի համաձայն՝ նրանց ճաշ եմ տվել, ոչ թե օգնել եմ որպես քուրդ զինյալ։ Ես, որպես հոգեւորական, բարոյական իրավունք էլ չունեմ նրանց մասին հայտնեմ ոստիկանություն։ Իսկ դատարանում էլ ասել եմ, որ այո, քուրդ զինյալներին ճաշ եմ տվել»,–ասել է ասորի քահանան։
Նշենք, որ օրեր առաջ Մարդինում ձերբակալվել եւ այնուհետ կալանավորվել էր ասորի հոգեւորականը, ում մեղադրում են քուրդ զինյալներին օգնելու մեջ։
Բողոքի մեծ ալիքի արդյունքում դատարանը ազատ է արձակել հոգեւորականին։
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին