Ռամզան Կադիրովը հայտարարել է իր «ժամանակավոր անաշխատունակության» մասին

Չեչնիայի ղեկավարի պաշտոնական կայքում հրապարակվել է Ռամզան Կադիրովի հունվարի 13-ի հրահանգը, որով նա հայտարարում է իր «ժամանակավոր անաշխատունակության» մասին եւ իր իրավասությունները փոխանցում է կառավարության նախագահ Մուսլիմ Խուչիեւին, հայտնում է «Кавказ.Реалии»-ն։

Հաղորդվում է, որ 2019թ․ Կադիրովն առնվազն երկու անգամ իր իրավասությունները փոխանցել է Խուչիեւին՝ հղում կատարելով «ժամանակավոր անաշխատունակությանը»։ Լրագրողները չգիտեն, թե ինչ է իրականում նշանակում այդ ձեւակերպումը՝ հանգստանալու ուղեւորությո՞ւն, թե՞ հիվանդության պատճառով արձակուրդ, նշում է «Վեստի»-ն։