Իրանցի պատգամավորները Մեծ Բրիտանիայի դեսպանին վտարելու կոչ են անում
Իրանցի մի շարք օրենսդիրներ ԱԳՆ-ին կոչ են արել վճռական միջոցներ ձեռնարկել եւ Իրանում Մեծ Բրիտանիայի դեսպան Ռոբ Մաքեյրին վտարել Թեհրանում բողոքի ցույցերին մասնակցելու պատճառով, փոխանցում է Mehr-ը:
Մաքեյրը կարճ ժամանակով ձերբակալվել էր անցյալ շաբաթ Թեհրանի կենտրոնում Ամիր Քաբիրի անվան համալսարանի առաջ օդանավի աղետի պատճառով տեղի ունեցած բողոքի ցույցի ժամանակ:
«Չնայած դիվանագիտական կանոններին, դեսպանը, որը միջամտում է ընդունող երկրի ներքին գործերին, պետք է վտարվի»,- հայտարարել է Իրանի խորհրդարանի Ազգային անվտանգության եւ արտաքին քաղաքանության հարցերի կոմիտեի անդամ Նագհավի Հոսեինին:
«Հարցն այն է, թե ի՞նչ է տեղի ունենում, երբ Մեծ Բրիտանիայի դեսպանը մասնակցում է այնտեղ [հանրահավաքին] եւ անձամբ լուսանկարում ու տեսանկարահանում»,- հայտարարել է պատգամավոր Հասան Հոսեյնի Շահրուդին:
«Դա, իհարկե, պատահականություն չէր, եւ անհրաժեշտ է քննություն կատարել՝ որոշելու համար Մեծ Բրիտանիայի, ԱՄՆ-ի եւ Իսլամական Հանրապետության մյուս թշնամիների դերը ապօրինի ակցիաներին»,- ասել է նա՝ հավելելով, որ «շատ օրենսդիրներ Մեծ Բրիտանիայի դեսպանին վտարելու կոչ են անում»:
Պատգամավոր Մոհամմեդռեզա Փուրեբրահիմին ԱԳՆ-ին կոչ է արել այս հարցով որոշում ընդունել: «Արտաքին գործերի նախարարը պետք է վճռական պատասխան տա, եւ անհրաժեշտ է այս հարցով Ազգային անվտանգության եւ արտաքին քաղաքանության հարցերի կոմիտեի արտահերթ խորհրդակցություն անցկացնել ու Մեծ Բրիտանիայի դեսպանին որքան հնարավոր է արագ վտարել»:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Թրամփի խոսքերը Մակրոնի՝ պաշտոնից շուտափույթ hեռացման մասին, ստիպում են մտածել նրա հասցեին վենեսուելա...
Ղարաբաղից տեղահանվածները պետք է կապեն իրենց ապագան Հայաստանի հետ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Պետական արգելոցի ֆոտոթակարդները կրկին նկարահանել են կովկասյան ընձառյուծին