Խաջիմբան չի առաջադրվի Աբխազիայի նախագահի կրկնակի ընտրություններում
Աբխազիայի նախագահի պաշտոնից հրաժարական տված Ռաուլ Խաջիմբան չի առաջադրվի նախագահի կրկնակի ընտրություններում, որոնք նշանակվել են մարտի 22-ին: Այս մասին հայտարարել է երկրի փոխնախագահ Ասլան Բարցիցը, հաղորդում է ՏԱՍՍ-ը:
«Ռաուլ Խաջիմբան չի պատրաստվում կրկին առաջադրվել: Ռաուլ Ջումկովիչն իր երկրի քաղաքացին է, նա կմնա իր երկրում: Դա չի նշանակում, որ նա ձեռքերը ծալած կնստի, նա կմասնակցի քաղաքական պրոցեսին, որպեսզի երկրում տիրի կարգուկանոն եւ օրինականություն, լինի հաջորդականություն»,- ասել է նա:
Կիրակի երեկոյան Խաջիմբան հայտարարել է իր լիազորությունների դադարեցման մասին: Նա Աբխազիայի նախագահն էր 2014 թվականից, 2019 թվականի սեպտեմբերին վերընտրվել էր:
Հիշեցնենք, որ հունվարի 9-ին Սուխումում ցուցարարները պահանջել են նախագահի հրաժարականը՝ ներխուժելով նրա վարչակազմի շենք: Երկրի խորհրդարանն արտահերթ նիստի ժամանակ ընդունել է հրաժարական տալու կոչով նախագահին ուղղված դիմումը:
Հունվարի 10-ին Աբխազիայի Գերագույն դատարանը չեղարկել է նախագահական ընտրությունների արդյունքների մասին երկրի ԿԸՀ որոշումն ու նոր ընտրություններ նշանակել: Նոր ընտրություններ են նշանակվել մարտի 22-ին: Խաջիմբայի մամուլի ծառայությունը հայտարարել է, որ կբողոքարկի ԿԸՀ որոշումը:
ԱԺ նախագահի որոշմամբ կգումարվի ԱԺ արտահերթ նիստ
Արհեստների միջազգային 5-րդ փառատոնն այս տարի կանցկացվի Մեղրիում
Քանի օրով արձակուրդ կգնան 27-37 տարեկանում կրճատ ժամկետով պարտադիր զինծառայություն անցնողները. նախագ...
ԿԳՄՍ-ն ստացել է ուսումնական հաստատություններում քաղաքական գործունեության, քարոզչության կամ հակաքարոզ...
Երևանի Նոր Արեշ փողոցում տուն է այրվել
Փրկարար ծառայությունն ամփոփում է անցած շաբաթը
«Թուրքական ավիաուղիներ»-ի ինքնաթիռի անվադողերը վայրէջքի ժամանակ բռնկվել են
Կրեմլը պարզաբանում է ակնկալում Երևանից․ Պեսկով
ԵՄ-ն Հորդանան գետի արևմտյան ափի հրեաների դեմ պատժամիջոցներ կսահմանի
Թանգարանների գիշեր․ մայիսի 16-ին թանգարանները կգործեն անվճար մինչև կեսգիշեր