Նոր վարչապետ ընտրվեց Մալթայում

Մալթայի Լեյբորիստական կուսակցությունը երկրի նոր վարչապետ ընտրեց քաղաքական գործիչ Ռոբերտ Աբելային՝ Ջոզեֆ Մուսկատին փոխարինելու համար, որը լքում է պաշտոնը՝ քաղաքական ճգնաժամի պայմաններում լրագրող Դաֆնե Կարուանա Գալիզիայի սպանության հետաքննության պատճառով, հայտնում է Malta Today-ը:

Ավելի վաղ հաղորդվել էր, որ Մուսկատը խոստացել է հրաժարական տալ, հենց որ երկրում իշխող Լեյբորիստական կուսակցությունը նոր ղեկավար ընտրի: Հրաժարականի հայտարարությունն արվեց այն բանից հետո, երբ Վալետայում հավաքված հազարավոր ցուցարարներ կոչ արեցին վարչապետին հրաժարական տալ`2017-ին լրագրողի սպանության հետաքննության արդարությունն ապահովելու համար:

Ըստ նախնական տվյալների, Լեյբորիստական կուսակցության 17,5 հազար անդամներից քվեարկությանը մասնակցել է 16,2 հազարը, որն իրականացվել է երկրի 13 բնակավայրերում։ Մասնակցությունը եղել է 92,5 տոկոս: Աբելան՝ Մալթայի նախկին նախագահի որդին, պայքարում էր փոխվարչապետ Քրիս Ֆերնի դեմ:

Հրապարակման տվյալներով, ձայների հաշվարկի արդյունքների համաձայն, Աբելան հավաքել է 57.9%, նրա մրցակիցը`42.1%:

«Ռոբերտ Աբելան չհաղթեց, Քրիս Ֆերնը չպարտվեց: Աշխատավորական կուսակցությունը հաղթեց»,- հրատարակությունը մեջբերում է նոր վարչապետի խոսքերը: