ԱՄՆ-ը իրանցի եւս մեկ գեներալի սպանության անհաջող օպերացիա է անցկացրել Եմենում

Գիշերը, երբ ԱՄՆ ՌՕՈՒ-ի կողմից սպանվել էր իրանցի գեներալ Ղասեմ Սոլեյմանին, ԱՄՆ-ը իրանական մեկ այլ բարձրաստիճան զինվորականի վրա անհաջող հարձակում էր նախաձեռնել Եմենում, հայտնում է CNN-ը։

Հեռուստաալիքի աղբյուրները ներկայացրել են այդ առաքելության մանրամասները՝ թե ինչպես էր ԱՄՆ-ը մտադիր իրականացնել իր ծրագիրը։

The Washington Post թերթի տվյալների համաձայն, ԱՄՆ-ի թիրախում եղել է «Ալ Քուդս» ստորաբաժանման հրամանատար Աբդուլ Ռեզա Շախլայը։

Թերթը նշում է, որ անցյալ տարվա դեկտեմբերին ԱՄՆ պետդեպի հատուկ ներկայացուցիչ Բրայան Հուքը հանդես էր եկել հայտարարությամբ այն մասին, որ «վարչակազմը 15 մլն դոլար է առաջարկում Աբդուլ Ռեզա Շախլայի ֆինանսական գործողությունների, ցանցերի եւ կապերի մասին տեղեկատվության դիմաց»։