Ընդդիմության հետ Աբխազիայի իշխանությունների բանակցությունները նախատեսված են հունվարի 11-ին
Աբխազիայի իշխանությունների բանակցություններն ընդդիմության ներկայացուցիչների հետ նախատեսված են շաբաթ՝ հունվար 11-ին, ՏԱՍՍ-ին տեղեկացրել է Աբխազիայի Անվտանգության խորհրդի քարտուղար Մուհամեդ Կիլբան։
«Այսօրվա դրությամբ նախատեսված են բանակցություններ իշխանության եւ ընդդիմության ներկայացուցիչների միջեւ, հնարավոր հանդիպումներ, կրկնում եմ՝ հնարավոր, քաղաքական տարբեր ուժերի ներկայացուցիչների եւ ռուսաստանյան պատվիրակության հանդիպումներ։ Երեկոյան հույս ունենք դրական արդյունքներ ստանալ, հանգուցալուծում, առկա կոնֆլիկտի «թեժ» փուլի վերացում»,- ասել է Կիլբան։
Նա հավաստիացրել է, որ բանակցությունները սկսելու ժամանակը դեռ հայտնի չէ, քանի որ «պետք է բանակցություններ վարել ոչ թե հանուն բանակցությունների, այլ դրանց ներգրավել երկու կողմերի առավելագույն շահագրգռված անձանց եւ գալ կոնկրետ պայմանավորվածությունների»։
Կիլբան ավելացրել է, որ իրադրությունն Աբխազիայում, որտեղ երրորդ օրն է՝ շարունակվում են բողոքի ցույցերը՝ նախագահի հրաժարականի պահանջով, կայուն է, իրավիճակը վերահսկվում է։
«Իրավիճակը վերահսկելի է։ Աղետալի ահավոր չէ, բայց կայուն բարդ է։ Երեկ եւ երեկ չէ առաջին օրը կայուն ծանր էր։ Թեեւ առանձնակի փոփոխություններ չկան. դժվարությունները, որ կային, մնացել են, մարդիկ զավթված շենքի (նախագահի աշխատակազմի) ներսում են»,- ասել է Կիլբան։
Նրա տվյալներով՝ Սուխումի կենտրոնում են գտնվում թե՛ բողոքողներ, թե՛ գործող իշխանության կողմնակիցներ։ «Առավոտվանից զանգվածայնություն չկա ոչ մեկ, ոչ մյուս կողմից»,- ավելացրել է նա։
Աբխազիայի Անվտանգության խորհրդի քարտուղարը նշել է, որ իրավապահ մարմինները ավելացրել են Սուխումի փողոցներում հերթապահող աշխատակիցների թիվը։
«Ուժեղացված ռեժիմով են աշխատում պետպահպանությունը, ՆԳՆ-ն եւ մյուսները։ Իրականացվում է իրավիճակի մոնիթորինգ շենքի ներսում, շենքի շուրջ, քաղաքում եւ հանրապետությունում։ Ուժեղացումը՝ ֆիզիկական ուժի ավելացումը, միայն Սուխումում է։ Մնացած շրջաններում իրավիճակը կայուն է, հանգիստ, որեւէ հանցագործություն՝ ծանր կամ առանձնապես ծանր, չի գրանցվել»,- ասել է Կիլբան։
Նա հավաստիացրել է, որ իրավապահ մարմինների ներկայացուցիչներ կան նաեւ նախագահի աշխատակազմի շենքում։ «Նրանց խնդիրն է (Սուխումի կենտրոնում ապահովել) հասարակական կարգը, թույլ չտալ բախումներ, ուժերի ֆիզիկական ընդհարումներ (բողոքողների եւ կառավարամետ տրամադրվածների)»,- նշել է զրուցակիցը։
Սուխումում հունվարի 9-ին Աբխազիայի նախագահ Ռաուլ Խաջիմբայի հրաժարականը պահանջող ցուցարարները ներխուժել են շենք։ Աբխազիայի նախագահը ԱԽ արտահերթ նիստ է հրավիրել, որից հետո բացառել է երկրում արտակարգ դրություն մտցնելու որոշումը։ Երկրի խորհրդարանը արտահերթ նիստում դիմել է նախագահին հրաժարականի կոչով։
Ուրբաթ Աբխազիայի Գերագույն դատարանը չեղարկել է երկրի ԿԸՀ որոշումը նախագահի ընտրությունների արդյունքների մասին եւ որոշել նշանակել նոր ընտրություններ։ Այսպիսով, դատական կոլեգիան բավարարել է ընդդիմադիր Ալխաս Կվիցինիայի վճռաբեկ բողոքը առաջին ատյանի դատարանի որոշման մասին, որն օրինական էր համարում նախագահի ընտրությունների երկրորդ փուլի արդյունքները։
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին