Իրանի Գլխավոր շտաբից նախազգուշացրել են «թշնամուց ավելի դաժան վրեժ լուծելու» մասին
Իրանի Զինված ուժերի Գլխավոր շտաբի անվտանգության բաժնի պետ Աբդոլլահ Արագին ամերիկյան թիրախներին հրթիռային հարվածներից հետո հայտարարել է, որ Իսլամական հեղափոխության պահապանների կորպուսը «թշնամուց ավելի դաժան վրեժ կլուծի», հայտնում է Tasnim գործակալությունը:
«ԻՀՊԿ-ն, փաստորեն, Իրանի ղեկավարության ամենաուժեղ սպառազինություններից մեկն է եւ մոտ ապագայում թշնամուց ավելի դաժան վրեժ կլուծի»,- ասել է Արագին:
Չորեքշաբթի գիշերը Իսլամական հեղափոխության պահապանների կորպուսը հայտարարել էր Իրաքում ամերիկյան հատուկ գործողության հետեւանքով գեներալ Ղասեմ Սոլեյմանիի սպանության համար հատուցում գործողության մասին: «Հող-հող» դասի հրթիռները Իրանից արձակվել են Իրաքի արեւմուտքում Էյն ալ Ասադ բազայի եւ Էրբիլում բազայի վրա, որտեղ տեղակայված է ԻՊ-ի դեմ պայքարի միջազգային կոալիցիան գլխավորող ԱՄՆ բանակի զորակազմը: Վաշինգտոնի տեղեկություններով՝ հարվածի հետեւանքով ԱՄՆ քաղաքացիներից ոչ մեկը չի տուժել, հասցվել է միայն նյութական վնաս:
ԱՄՆ նախագահ Դոնալդ Թրամփը չորեքշաբթի հանդես էր եկել ազգին հղած ուղերձով, որում հայտնել էր, որ Վաշինգտոնն ի պատասխան կսահմանափակվի նոր պատժամիջոցներ սահմանելով եւ Իրանի վրա առավելագույն ճնշման քաղաքականությունը շարունակելով: Ավելի ուշ լրատվամիջոցները հայտնել էին, որ ՄԱԿ-ում ԱՄՆ մշտական ներկայացուցիչ Քելլի Քրաֆթը ՄԱԿ Անվտանգության խորհուրդ նամակ է ուղարկել, որում հայտնել է Իրանի հետ բանակցություններին ԱՄՆ պատարաստակամության մասին՝ տարածաշրջանում լարվածության նվազեցման համար առանց նախնական պայմանների:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Թրամփի խոսքերը Մակրոնի՝ պաշտոնից շուտափույթ hեռացման մասին, ստիպում են մտածել նրա հասցեին վենեսուելա...
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Պետական արգելոցի ֆոտոթակարդները կրկին նկարահանել են կովկասյան ընձառյուծին