Իրանի կառավարությունը հունվարի 9-ը համազգային սգո օր է հայտարարել

Իրանի կառավարությունը Թեհրանի մոտ ինքնաթիռի վթարի եւ Ղասեմ Սոլեյմանիի հուղարկավորության ժամանակ հրմշտոցի հետեւանքով զոհերի համար հունվարի 9-ը համազգային սգո օր է հայտարարել, հայտնում է ԻՌՆԱ-ն։

«Ցավակցություն հայտնելով սպանված գեներալ Ղասեմ Սոլեյմանիի հետ հրաժեշտի արարողության ժամանակ Կերման քաղաքում զոհված եւ այսօր առավոտյան ավիավթարի հետեւանքով զոհված մեր հայրենակիցների ընտանիքներին՝ կառավարությունը հունվարի 9-ը հայտարարում է ազգային սգո օր»,- Twitter-ում գրել է Իրանի կառավարության ներկայացուցիչ Ալի Ռաբիին։

Հիշեցնենք, որ Կերման քաղաքում Ղասեմ Սոլեյմանիի հուղարկավորության ժամանակ հրմշտոցի հետեւնաքով ավելի քան 50 մարդ էր զոհվել։

Իսկ հունվարի 8-ի առավոտյան Թեհրանի Խոմեյնիի անվան միջազգային օդանավակայանի մոտ վթարի էր ենթարկվել «Ուկրաինայի միջազգային ավիաուղիների» Boeing-737 ինքնաթիռը, որի մեջ 177 մարդ կար։ Նրանք բոլորը մահացել էին։