Բրիտանիայի ԱԳ նախարարը դատապարտել է Իրաքում ԱՄՆ բազաներին Իրանի հարվածները
Մեծ Բրիտանիայի ԱԳ նախարար Դոմինիկ Ռաաբը դատապարտել է Իրաքում ԱՄՆ բազաներին Իրանի հարվածները՝ Թեհրանին իրավիճակի անհապաղ ապաէսկալացիայի կոչ անելով: Այս մասին նշված է չորեքշաբթի տարածված նրա հայտարարության մեջ, փոխանցում է ՏԱՍՍ-ը:
«Մենք դատապարտում ենք Իրաքում ռազմաբազաների վրա այդ հարձակումը, որտեղ տեղակայված են [ԱՄՆ գլխավորած հակաահաբեկչական միջազգային] կոալիցիայի ուժերը, այդ թվում՝ բրիտանական: Մենք մտահոգված ենք զոհերի եւ բալիստիկ հրթիռների օգտագործման մասին տեղեկություններով»,- հայտարարել է Ռաաբը:
«Մենք Իրանին կոչ ենք անում չկրկնել այս ոչ ողջախոհ եւ վտանգավոր հարձակումները, եւ դրա փոխարեն ձգտել անհապաղ ապաէսկալացիայի»,- ասել է բրիտանացի նախարարը: «Մերձավոր Արեւելքում պատերազմը ձեռնտու է բացառապես «Իսլամական պետությանը» եւ մյուս ահաբեկչական խմբավորումներին»,- նախազգուշացրել է Ռաաբը:
Տարածաշրջանույմ իրավիճակը կտրուկ սրվել էր Իրաքի տարածքում ամերիկյան հարվածաշարից հետո: Պենտագոնը հունվարի 3-ին հայտնել էր Բաղդադի օդանավակայանի շրջանում հրթիռային հարված հասցնելու մասին, որի հետեւանքով զոհվել էին Իսլամական հեղափոխության պահապանների կորպուսի «Ալ Ղուդս» հատուկ ստորաբաժանման հրամանատար Ղասեմ Սուլեյմանին եւ «Ալ Հաշդ աշ Շաաբի» շիական աշխարհազորի ղեկավարի տեղակալ Աբու Մահդի ալ Մուհանդիսը:
Իրանը չորեքշաբթի գիշերը ի պատասխան Սուլեյմանիի սպանության զանգվածային հրթիռային հարձակման էր ենթարկել երկու իրաքյան ռազմաբազաներ, որտեղ տեղակայված են ամերիկյան զորքերը՝ երկրի արեւմուտքում Անբար նահանգում Այն էլ Ասադ բազան եւ Իրաքյան Քուրդիստանում Էրբիլի օդանավակայանի շրջանում գտնվող բազան:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Թրամփի խոսքերը Մակրոնի՝ պաշտոնից շուտափույթ hեռացման մասին, ստիպում են մտածել նրա հասցեին վենեսուելա...
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Պետական արգելոցի ֆոտոթակարդները կրկին նկարահանել են կովկասյան ընձառյուծին