Բոլթոնը պատրաստակամություն է հայտնել Թրամփի իմպիչմենթի շրջանակում ցուցմունք տալ

ԱՄՆ նախագահ Դոնալդ Թրամփի ազգային անվտանգության հարցերով նախկին խորհրդական Ջոն Բոլթոնը պատրաստակամություն է հայտնել նախագահի իմպիչմենթի շրջանակում ցուցմունք տալ՝ ասվում է նրա կայքում:

«Իմպիչմենթի հետ կապված հակասությունների ընթացքում ես փորձել եմ որպես քաղաքացի եւ որպես ազգային անվտանգության հարցերով նախկին խորհրդական կատարել իմ պարտավորությունները: Իմ գործընկեր Չառլզ Կուպերմանը վերջնական որոշման համար դիմել է դաշնային դատական իշխանություններին: Երբ իմ խորհրդականը տեղեկացրեց Ներկայացուցիչների պալատի կոմիտեին, որ ես եւս կդիմեմ այդ սահմանադրական հարցերը լուծելու համար, կոմիտեն որոշեց ինձ օրակարգ չուղարկել: Այդուհանդերձ, ես որոշեցի ղեկավարվել դոկտոր Կուպերմանի գործի արդյունքում արված եզրակացությամբ»,- հայտարարել է Բոլթոնը:

Սակայն Բոլթոնի խոսքով՝ եւ՛ նախագահը, եւ՛ Պալատը հանդես են եկել Կուպերմանի իրավաբանական ջանքերի դեմ:

Նա նշել է, որ դատարանը Կուպերմանի գործը վիճելի է համարել, եւ գործը չի հասել իշխանությունների տարանջատման հարցին:

«Այժմ հերթը Սենատինն է, որը պետք է իրականացնի իր սահմանադրական պարտավորությունները իմպիչմենթի հարցով որոշում կայացնելու ճանապարհով: Քանի որ իմ ցուցմունքները կրկին վիճելի են, ես պետք է լուրջ հարցերը որքան հնարավոր է լավ լուծեմ՝ հիմնվելով մանրակրկիտ ուսումնասիրության վրա: Ես եկա եզրակացության, որ եթե Սենատն ինձ օրակարգ ուղարկի, ես պատրաստ կլինեմ ցուցմունք տալ»,- ասել է Բոլթոնը: