Ֆրանսիայում 33-րդ օրն է ինչ շարունակվում է տրանսպորտի ոլորտի աշխատակիցների գործադուլը
Ֆրանսիայում արդեն 33-րդ օրն է ինչ շարունակվում է տրանսպորտային ոլորտի աշխատակիցների գործադուլը:
Ակցիայի մասնակիցները պահանջում են չեղարկել նախագահ Մակրոնի կենսաթոշակային բարեփոխումները, որոնց կյանքի կոչման դեպքում տրանսպորտային, ինչպես նաև մի շարք այլ ոլորտների աշխատակիցները կզրկվեն տարիներ առաջ սահմանված արտոնություններից` մասնավորաբար վաղ թոշակի անցնելու և բարձր կենսաթոշակ ստանալու հնարավորություններից:
Ֆրանսիական աղբյուրների փոխանցմամբ՝ այսօր բնականոն կերպով էին աշխատում Փարիզի մետրոպոլիտենի 16 գծերից միայն երկուսը: Մերձքաղաքային գնացքների առումով իրադրությունը փոքր-ինչ ավելի բարվոք է: Այսօր երթուղի է դուրս եկել գնացքների շուրջ 60 տոկոսը:
«Այս գործադուլը մարդկանց իրոք հոգնեցրել է: Հատկապես Փարիզում և մերձակա շրջաններում մարդիկ ուղղակի հյուծված են: Շատերը ստիպված են տաքսիով աշխատանքի հասնել կամ օգտվել Uber-ի ծառայություններից», - նշում է Ֆրանսիայի ֆինանսների նախարար Բրունո Լե Մյերը:
Վերջին հարցումների համաձայն, Ֆրանսիայի քաղաքացիների շրջանում գործադուլավորներին ցուցաբերվող աջակցությունը գնալով նվազում է: Այսօր այն կազմում է 44 տոկոս` դեկտեմբերին արձանագրված 51 տոկոսի համեմատ:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Կարևոր է, որ հայության ներկայացուցիչներն իրենց նույնականացնեն ՀՀ-ի հետ
Նոր ավտոբուսների ձեռքբերումը ենթադրում է նաև Երևանում առանձնացված գծերի մասով վերջնական լուծումներ
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սիթի ՍՊ ընկերության մի քանի աղցանի արտադրությունը կասեցվել է
Մելանշոնը հավանական առաջատար թեկնածուներից մեկն է
Ամերիկան պատմության մեջ հսկայական քայլ հետ կատարեց