ԱՄՆ Կոնգրեսում Թրամփին կոչ են արել օրենք կարդալ և հիշեցրել են, որ նա բռնապետ չէ
ԱՄՆ Կոնգրեսի Ներկայացուցիչների պալատի արտաքին հարաբերությունների հարցերով կոմիտեն նախագահ Թրամփին հիշեցրել է, որ նա բռնապետ չէ և խորհուրդ է տվել օրենքներ կարդալ, տեղեկացնում է կոմիտեի թվիթերյան էջը:
Նման կերպով ԱՄՆ Ներկայացուցիչների պալատը պատասխանել է Թրամփի գրառմանը, որում վերջինս հայտարարել է, որ սոցիալական կայքում իր հաղորդագրությունները ԱՄՆ Կոնգրեսի համար կծառայեն որպես ծանուցում Իրանի ագրեսիային պատասխան հարված հասցնելու մասին:
«Իրավական տեսանկյունից նման ծանուցում չի պահանջվում, սակայն բոլոր դեպքերում այն տրվել է»,- նշել է ԱՄՆ նախագահը:
Ի պատասխան` կոմիտեն նշել է որ, այդ «հրապարակումերը կծառայեն որպես հիշեցում այն մասին, որ ԱՄՆ սահմանադրության համապատասխան Կոնգրեսը ռազմական լիազորություններ ունի»:
«Ինչպես նաև պետք է կարդաք ռազմական գործողությունների պայմաններում լիազորությունների մասին օրենքը և հիշեք, որ բռնապետ չեք»,- ասվում է կոմիտեի հայտարարությունում:
Մինչ այդ դեմոկրատները Կոնգրեսում հարց էին բարձրացրել այն մասին, թե արդյոք Թրամփն իրավունք է ունեցել առանց Կոնգրեսի հավանության ռազմական հարվածի վերաբերյալ հրաման տալ, քանի որ այդ պարագայում Իրանի հնարավոր պատասխանը հաշվի չի առնվել:
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին