ՆԱՏՕ-ն Իրաքի իրավիճակի վերաբերյալ շտապ խորհրդակցություն կհրավիրի

ՆԱՏՕ-ն հաստատել է Բաղդադում ամերիկյան ավիահարվածի հետեւանքով իրանցի գեներալ Ղասեմ Սոլեյմանիի սպանությունից հետո Իրաքի իրավիճակի վերաբերյալ Հյուսիսատլանտյան խորհրդի շտապ նիստի անցկացումը հունվարի 6-ին Բրյուսելում, տեղեկացնում է ՏԱՍՍ-ը՝ հղում կատարելով դաշինքի մամուլի ծառայությանը։

«ՆԱՏՕ գլխավոր քարտուղարը որոշում է կայացրել գումարել ՆԱՏՕ (պետությունների) դեսպանների նիստ դաշինքի երկրների հետ խորհրդակցություններից հետո։ Հյուսիսատլանտյան խորհուրդը կդիտարկի իրավիճակը տարածաշրջանում երկուշաբթի, հունվարի 6-ին»,- տեղեկացրել են մամուլի ծառայությունում։ Նիստը նախատեսված է ժամը 15.00-ին (Մոսկվայի ժամանակով ժամը 17.00-ին)։ Հյուսիսատլանտյան խորհուրդը ՆԱՏՕ մշտական ղեկավար մարմինն է, որի մեջ մտնում են դաշինքի բոլոր պետությունների մշտական ներկայացուցիչները Բրյուսելում։

Մինչ այդ տեղեկացվել էր, որ ՆԱՏՕ գլխավոր քարտուղար Ենս Ստոլտենբերգը ոոշում է կայացրել երկուշաբթի «շտապ կարգով» Հյուսիսատլանտյան խորհրդի նիստ հրավիրել Մերձավոր Արեւելքում իրանցի գեներալ Ղասեմ Սոլեյմանիի՝ Իրաքում զոհվելուց հետո իրավիճակի սրման պատճառով։