Ռոհանին Էրդողանին եւ տարածաշրջանի երկրներին կոչ է արել միավորվել ընդդեմ Վաշինգտոնի սպառնալիքների
Գեներալ-լեյտենանտ Ղասեմ Սոլեյմանիի սպանությունը ԱՄՆ մեծ սխալն էր: Այս մասին հայտարարել է Իրանի նախագահ Հասան Ռոհանին՝ իր թուրք գործընկեր Ռեջեփ Էրդողանի հետ հեռախոսային զրույցում, փոխանցում է Mehr-ը:
Նա տարածաշրջանային պետություններին կոչ է արել միավորվել ընդդեմ Վաշինգտոնի սպառնալիքների: «Եթե մենք լռենք, ԱՄՆ-ն ավելի համարձակ ու ագրեսիվ կդառնա»,- շեշտել է նա՝ հավելելով, որ լռությունը սպառնալիքի տակ կդնի ամբողջ տարածաշրջանը: Ռոհանին նշել է, որ ԱՄՆ-ն խախտել է Իրաքի ազգային ինքնիշխանությունը եւ Իրաքում ահաբեկչական ակտեր իրագործել, որոնք հակասել են այդ երկրի անկախությանը: «ԱՄՆ-ն նաեւ կատարել է այլ կառավարության դեմ կազմակերպված ահաբեկչական ակտ եւ սպանել մեր մեծագույն ու հանրաճանաչ հրամանատարին, եւ եթե մենք լռենք, մեծ սպառնալիքի հետ կբախվենք»,- հավելել է նա:
Ռոհանին շնորհակալություն է հայտնել Թուրքիայի նախագահին իրանական կառավարությանը եւ ժողովրդին ցավակցելու համար՝ իրանցի գեներալի զոհվելու կապակցությամբ:
Անդրադառնալով Սիրիայում իրադարձություններին՝ Ռոհանին նշել է, որ սիրիական խնդրի լուծման ջանքերը կշարունակվեն Իրանի, Թուրքիայի եւ Ռուսաստանի առաջնորդների մակարդակով: Նա նաեւ Թեհրանում Էրդողանի հետ շուտով հանդիպելու հույս է հայտնել:
Իր կողմից Թուրքիայի նախագահը ցավակցել է Ղասեմ Սոլեյմանիի զոհվելու կապակցությամբ: «Ես խորապես վշտացած եմ եւ հասկանում եմ Իրանի ղեկավարության ու իրանցի ժողովրդի զայրույթն ու ատելությունը»:
Թուրքիայի նախագահը նշել է տարածաշրջանում կայունության եւ անվտանգության վերականգնման անհրաժեշտությունը: «Օտարերկրյա միջամտությունները եւ ռազմական գործողությունները խանգարում են կայունության հասնել, եւ մենք չպետք է թույլ տանք, որ այդպիսի միջոցառումները սպառնան տարածաշրջանային խաղաղությանն ու կայունությանը»:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Կարևոր է, որ հայության ներկայացուցիչներն իրենց նույնականացնեն ՀՀ-ի հետ
Նոր ավտոբուսների ձեռքբերումը ենթադրում է նաև Երևանում առանձնացված գծերի մասով վերջնական լուծումներ
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սիթի ՍՊ ընկերության մի քանի աղցանի արտադրությունը կասեցվել է
Մելանշոնը հավանական առաջատար թեկնածուներից մեկն է
Ամերիկան պատմության մեջ հսկայական քայլ հետ կատարեց