Ավստրալիայում հրդեհների մարմանը զորակոչվել է պահեստազորի մոտ 3 հազար զինվորական

Ավստրալիայի արեւելքում փոթորկվող մեծածավալ անտառային հրդեհների մարմանը մասնակցելու եւ տուժածներին օգնություն ցույց տալու համար զորակոչվելու են պահեստազորի մոտ 3 հազար զինծառայողներ: Այս մասին հայտնել է Ավստրալիայի վարչապետ Սքոթ Մորիսոնը, փոխանցում է DW-ն:

Ավստրալական The Weekend Australian առցանց պարբերականի տեղեկություններով՝ սա երկրի պատմության մեջ առաջին նման դեպքն է: Նոր Հարավային Ուելս, Վիկտորիա եւ Հարավային Ավստրալիա նահանգներում հրդեհների դեմ պայքարին օգնություն ցուցաբերելու համար ստեղծվել են երեք միավորված աշխատանքային խմբեր, հայտնում է պարբերականը: Դրանց գլխավոր խնդիրներն են լինելու այդ նահանգների բնակչությանը պարենով ապահովելը, խոցելի քաղաքացիների տարհանմանն օգնելը, մարզերի հայտնաբերումը, որտեղ հնարավոր է բռնկման առաջացում, հրդեհների դեմ պայքարը՝ կրակի անմիջական օջախներից հեռացնելու համար: