Իրանը Գերմանիային մեղադրել է ԱՄՆ պետական ահաբեկչությանն աջակցելու մեջ
Իրանը Գերմանիային մեղադրել է ԱՄՆ պետական ահաբեկչությանն աջակցելու մեջ: Իրանի ԱԳՆ ներկայացուցիչ Սեյեդ Աբաս Մուսավին հայտարարել է, որ լեգենդար գեներալ Ղասեմ Սոլեյմանիի սպանության հետ կապված Բեռլինի դիրքորոշումը վկայում է տարածաշրջանում տեղերում իրողություններին նրա անտեղյակության մասին, փոխանցում է Mehr-ը:
«Այդպիսի մեկնաբանությունները ցույց են տալիս, որ Բեռլինն անտեղյակ է տարածաշրջանում տեղերում իրողություններին եւ դիտավորյալ կամ ոչ դիտավորյալ աջակցում է Միացյալ Նահանգների պետական ահաբեկչությանը»,- նշել է նա:
«Իրանը կարծում է, որ Գերմանիայի կառավարության կողմից ԱՄՆ դաժան եւ միակողմանի գործողություններին աջակցությունը, որոնք հակասում են միջազգային իրավունքին, այդ գործողություններին մասնակցություն է, եւ Իրանը Գերմանիայի կառավարությանը հիշեցնում է ԻՊ-ի դեմ պայքարում գեներալ Սոլեյմանիի առանցքային դերակատարման մասին, որի շարունակվող գոյությունը կարող էր սպառնալ նույնիսկ Եվրոպայում անթիվ-անհամար մարդկանց կյանքին»,- ասել է Մուսավին:
Ավելի վաղ Գերմանիայի կառավարության ներկայացուցիչը հայտարարել էր, որ գեներալ Սոլեյմանիի վրա ԱՄՆ հարվածը «Իրանի կողմից ռազմական սադրանքների արձագանքն է»: «Ամերիկյան գործողությունները Իրանի կողմից ռազմական սադրանքների շարքի արձագանքն են, որոնց պատասխանատվությունը կրում է Իրանը»,- հայտարարել էր նա:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Ամբերդ ամրոց և Քարի լիճ տանող ավտոճանապարհները փակ են
Մենք ուզում ենք, որ դուք օր առաջ տնավորվեք ՀՀ-ում
Պետական արգելոցի ֆոտոթակարդները կրկին նկարահանել են կովկասյան ընձառյուծին