«Սոլեյմանին հարձակումներ էր ծրագրում նաև լիբանանցիների, իրաքցիների և սիրիացիների նկատմամբ». Մայք Պոմպեո
ԱՄՆ պետքարտուղար Մայք Պոմպեոն հայտարարել է, որ իրանցի գեներալ Ղասեմ Սոլեյմանին մինչ իր սպանությունը ծրագրել էր հարձակումներ ոչ միայն ամերիկացիների, այլ նաև իրաքցիների, լիբանանցիների և սիրիացիների նկատմամբ: Պոմպեոն իր խոսքերի վերաբերյալ ոչ մի ապացույց չի ներկայացրել:
«Ժամանելով Բաղդադ` նա շրջայց է կատարել տարածաշրջանում: Մինչ այդ, նա իր այցերի ժամանակ շրջում էր ամբողջ տարածաշրջանով, և իր այցերի նպատակն այն էր, որ կազմակերպի այն, ինչ նրանք անվանում են «մեծ հարձակում»: Նրանք մտադրված էին ոչնչացնել մեծ թվով ամերիկացիների: Սակայն, այդ ամենը, անկասկած, կբերեր և տեղացիների՝ հավանաբար իրաքցիների, լիբանանցիների և սիրիացիների մահվան ամբողջ տարածաշրջանում: Մենք չենք կարող խոսել մանրամասների մասին, սակայն բավարար է ասել, որ ամերիկացիները կարող են համոզված լինել. նախագահի (Թրամփի) որոշումը՝ վերացնել Սոլեյմանիին, փրկել է շատ ամերիկացիների»,-ասել է ԱՄՆ պետքարտուղարը Fox News հեռուստաալիքին տված հարցազրույցում:
Բաղդադում սպանվել է Իրանի իսլամական հեղափոխության պահապանների կորպուսի գեներալ Ղասեմ Սոլեյմանին: Գեներալի սպանությունից հետո, Իրանի ԱԳՆ է կանչվել Շվեյցարիայի դեսպան Մարկուս Լեյթները, որը ներկայացնում է ԱՄՆ շահերը Թեհրանում:
Հաղորդվում է նաև, որ ԱՄՆ Զինված ուժերը բարձր մարտունակության են բերվել իրանցի գեներալի սպանությունից հետո:
Իրանի գերագույն հոգևոր առաջնորդ այաթոլլահ Ալի Խամենեին խոստացել է վրեժ լուծել Իսլամական հեղափոխության պահապանների կորպուսի «Ղոդս» հատուկ ստորաբաժանման ղեկավար, գեներալ Ղասեմ Սոլեյմանիի սպանության համար:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Ամբերդ ամրոց և Քարի լիճ տանող ավտոճանապարհները փակ են
Մենք ուզում ենք, որ դուք օր առաջ տնավորվեք ՀՀ-ում
Պետական արգելոցի ֆոտոթակարդները կրկին նկարահանել են կովկասյան ընձառյուծին