Հունաստանի վարչապետը զգուշացրել է Թուրքիային՝ չհատել «կարմիր գիծը»
Հունաստանի վարչապետ Կիրիակոս Միցոտակիսը նախազգուշացրել է Թուրքիային՝ չհատել «կարմիր գիծը»։
«Մենք թույլ չենք տա Թուրքիայի որեւէ գործողություն, որը կարող է ոտնձգել Հունաստանի ինքնիշխան իրավունքների դեմ»,- ասել է Միցոտակիսը The Globe and Mail օրաթերթի հարցազրույցում՝ նկատի ունենալով ծովային սահմանների մասին համաձայնագիրը, որը ստորագրվել է Թուրքիայի եւ Լիբիայի կառավարության միջեւ։
Համաձայնագիրն ուղղված է բացառիկ տնտեսական գոտու ստեղծմանը Թուրքիայի միջերկրածովյան ափից մինչեւ Լիբիայի հյուսիսարեւելյան ափ։ Հունաստանն ու Կիպրոսը, որոնք երկար ժամանակ ծովային եւ տարածքային վեճեր ունեին Թուրքիայի հետ, կարծում են, որ համաձայնագիրը անօրինական է եւ խախտում է միջազգային ծովային իրավունքը։
Նույն հարցազրույցում Հունաստանի վարչապետը նշել է, որ եթե Աթենքն ու Անկարան չկարողանան լուծել տարաձայնությունները Միջերկրական ծովի ծովային գոտիների մասին, պետք է դիմեն Հաագայի միջազգային դատարան՝ դրանց կարգավորման համար։
«Մենք պատրաստ ենք խոսել մեր բոլոր հարեւանների, այդ թվում, իհարկե, Թուրքիայի հետ։ Եվ եթե համաձայնագիրը ձեռք չբերվի, մենք բաց ենք միջազգային իրավադատության համար»,- ասել է Միցոտակիսը՝ ավելացնելով, որ «կարմիր գծերը ոչ ոք չի կարող հատել»։
ԱԺ նախագահի որոշմամբ կգումարվի ԱԺ արտահերթ նիստ
Արհեստների միջազգային 5-րդ փառատոնն այս տարի կանցկացվի Մեղրիում
ԿԳՄՍ-ն ստացել է ուսումնական հաստատություններում քաղաքական գործունեության, քարոզչության կամ հակաքարոզ...
Փրկարար ծառայությունն ամփոփում է անցած շաբաթը
Երևանի Նոր Արեշ փողոցում տուն է այրվել
Քանի օրով արձակուրդ կգնան 27-37 տարեկանում կրճատ ժամկետով պարտադիր զինծառայություն անցնողները. նախագ...
«Թուրքական ավիաուղիներ»-ի ինքնաթիռի անվադողերը վայրէջքի ժամանակ բռնկվել են
Կրեմլը պարզաբանում է ակնկալում Երևանից․ Պեսկով
ԵՄ-ն Հորդանան գետի արևմտյան ափի հրեաների դեմ պատժամիջոցներ կսահմանի
Թանգարանների գիշեր․ մայիսի 16-ին թանգարանները կգործեն անվճար մինչև կեսգիշեր