Բաղդադում ամբոխը հարձակվել է ԱՄՆ դեսպանատան վրա. դեսպանն ու աշխատակազմը տարհանվել են (լուսանկարներ, տեսանյութ)

Իրաքի մայրաքաղաք Բաղդադում հարյուրավոր շիա մուսուլմաններ հարձակվել են ԱՄՆ դեսպանատան վրա՝ արձակելով կրակոցներ:

Այս մասին հայտնում է Daily Mail-ը՝ մանրամասնելով, որ հարձակումը տեղի ունեցել ԱՄՆ օդուժի կողմից «Քաթաեբ Հեզբոլլահ» շարժման օբյեկտներին հարվածելուց և 25 մարդ սպանելուն ի պատասխան:

Նշվում է, որ ԱՄՆ դեսպանն ու աշխատակազմը տարհանվել են: Ցուցարարների մի մասին հաջողվել է ներխուժել դեսպանատան տարածք, որտեղից ծուխ է բարձրանում: Նրանք քարեր են նետել պատուհաններին ու «Քաթաեբ Հեզբոլլահ»-ին աջակցող գրառումներ արել պատերին:

Բացի այդ, հարյուրավոր ցուցարարներ վրաններ են խփել դեսպանատան առջև: Իրավիճակի թեժացմանը զուգահեռ նրանք այրել են դեսպանատան անվտանգության ծառայությանը պատկանող երեք թրեյլեր:

Protestors burning the outer walls of the American Embassy in #Baghdad. pic.twitter.com/VeySugdeww

— H. Sumeri (@IraqiSecurity) December 31, 2019