Համացանցում են հայտնվել շուրջ 28 000 օգտատիրոջ անձնական տվյալներ

Համացանցային DeviceLock ֆորումում, որը մասնագիտանում է գողացված տվյալների բազաների և տեղեկության պաշտպանության ապահովման գործում, շուրջ 28 000 ռուսների անձնական տեղեկություն է հայտնվել, որոնք Госуслуги պորտալի օգտատերերն են:

Ինչպես փոխանցում Life.ru-ն, այս մասին հայտարարել է DeviceLock-ի հիմնադիր Աշոտ Հովհաննեսյանը: Նշվում է, որ խոսքը ՌԴ շրջաններից մեկի բնակիչների մասին է: Համացանցում նրանց վերաբերյալ տարբեր տեղեկություններ են հայտնվել, ինչպես օրինակ՝ անուն-ազգանունը, ծննդյան ամսաթիվը, հեռախոսահամարը և այլն:

Աղբյուրի տվյալներով՝ արտահոսքը տեղի է ունեցել պորտալի սերվերներից մեկի ծրագրային ապահովման կարգավորումներում տեղի ունեցած սխալի պատճառով: