Մահաբեր ահաբեկչական պայթյուն Սոմալիում
Սոմալիի մայրաքաղաք Մոգադիշուում այսօր ականված բեռնատար է պայթեցվել:
Ահաբեկչական գործողության հետևանքով սպանվել է առնվազն 60 մարդ, կան բազմաթիվ վիրավորներ:
Ենթադրվում է, որ զոհերի թիվը կավելանա: Մոգադիշուի քաղաքապետ Օմար Մուհամուդն ասել է, որ մոտ հարյուր բնակիչներ՝ մեծավ մասամբ ուսանողներ, վնասվածքներ են ստացել և տեղափոխվել են հիվանդանոցներ:
Այս պահին որևէ կառույց պատասխանատվություն չի ստանձնել բեռնատարը պայթեցնելու համար:
Վերլուծաբանների փոխանցմամբ, այդ տարածաշրջանում նմանօրիկան ահաբեկչական գործողություններ է իրականացնում «Ալ-Ղայդայի» հետ առնչություն ունեցող «Ալ Շաբաբ» կազկակերպությունը:
Անցած տարիների ընթացքում Սոմալիի անվտանգության ուժերը կարողացել են «Ալ Շաբաբի» զինյալներին դուրս մղել մայրաքաղաք Մոգադիշուից, սակայն խմբավորումը շարունակում է թիրախավորել մարդաշատ վայրերը, այդ թվում հյուրանոցները և ուսումնական հաստատությունները:
1991 թվականից ի վեր Սոմալիում արյունալի քաղաքացիական պատերազմ է ընթանում:
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին