Անգլիայում փոստատարը մահացել է գերհոգնածությունից՝ սուրբծննդյան նամակներ ու նվերներ առաքելու պատճառով

Անգլիայի հարավ-արևելքում գտնվող Էսսեքսի կոմսությունում փոստատարը մահացել է հոգնածությունից՝ առաքելով սուրբծննդյան նամակներ և նվերներ: Այս մասին տեղեկացնում է dailystar.com կայքը:

42-ամյա Փոլ Քրաշը փոստային ընկերությունում որպես վարորդ է աշխատել: Սուրբ Ծննդին ընդառաջ նամակների ու ծանրոցների թիվը, որոնք պետք է ամեն օր առաքել, 100-ից հասել է 240-ի: Այդ ռեժիմով տղամարդը ստիպված է եղել աշխատել մի քանի շաբաթ:

Մի օր էլ՝ 12-ժամյա աշխատանքային օրվանից հետո, նա վերադարձել է գրասենյակ և ասել, որ վատ է զգում: Դրանից մեկ ժամ էլ չանցած նա սրտի կաթված է ստացել և մահացել:

«Նա այնպիսի մարդ էր, որ երբեք չէր խուսափում ավելորդ աշխատանքից»,-նրա մասին ասել են աշխատակիցները:

Նա ամուսնացած էր, ուներ 2 երեխա: