Իսրայելը դեմ է Լիբիայի եւ Թուրքիայի միջեւ համաձայնագրին
Իսրայելը դեմ է Լիբիայի եւ Թուրքիայի միջեւ համաձայնագրին, որով որոշվում են ծովային սահմանները Միջերկրական ծովի արեւելյան մասում։ Այդ մասին ասել է երկրի արտաքին գործերի նախարար Իսրայել Կացը՝ ավելացնելով, որ գործարքը հազիվ թե հանգեցնի կոնֆլիկտի Թուրքիայի հետ, տեղեկացնում է Reuters-ը։
Անկարայի եւ Տրիպոլիի գործարքը ծովային սահմանների միջանցք է գծում Լիբիայի եւ Թուրքիայի միջեւ՝ պոտենցիալ առումով ճանապարհ բացելով նավթի եւ գազի հետախուզման համար։ Հունաստանը, որը Իսրայելի մերձավոր դաշնակիցն է եւ տարաձայնություններ ունի Թուրքիայի հետ մի ամբողջ շարք հարցերում, համաձայնագիրն անհեթեթություն է անվանել, քանի որ այն անտեսում է հունական Կրետե կղզու առկայությունը Թուրքիայի եւ Լիբիայի միջեւ։
Նիկոսիան հայտարարել է, որ վարչապետ Բենիամին Նեթանյահուն Կիպրոսի նախագահին անցած ուրբաթ ասել է, որ ծովային գործարքը պետք է «անօրինական» ճանաչվի։
Այս տեղեկությունը հաստատելու խնդրանքին Կացը պատասխանել է. «Դա Իսրայելի պաշտոնական դիրքորոշումն է։ Բայց չի նշանակում, թե մենք գծանավեր կուղարկենք Թուրքիային դիմակայելու համար»։ Նրա խոսքով՝ ոչ Իսրայելը, ոչ Թուրքիան կոնֆլիկտ չեն ցանկանում։ «Մենք ցանկություն չունենք, իսկ Թուրքիան ցանկություն չունի դիմակայելու Իսրայելին»,- ասել է նա։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Ամբերդ ամրոց և Քարի լիճ տանող ավտոճանապարհները փակ են
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ