Մոտ 5000 մարդ Սթոունհենջում է հավաքվել` նշելու ձմեռային արևադարձը

Մեծ Բրիտանիայի մայրաքաղաք Լոնդոնից 130 կմ հեռավրության վրա գտնվող Սթոունհենջ հուշարձանների մոտ կիրակի առավոտյան մոտ 5000 մարդ է հավաքվել` նշելու ձմեռային արևադարձը, հայտնում է Daily Mail պարբերականը:

Տարվա ամենաերկար գիշերվա ավարտը տոնելու համար հավաքված ոգևորված բազմության մեջ պարողներ և թմբուկներով հարվածող դրուիդներ են եղել: Մարդիկ երգել են, պարել ու խմել:

Ձմեռային արևադարձի նշանակությունը գիշերվա տևողության երկարելու և ցերեկվա տևողության կարճանալու երևույթի շրջադարձն է (գիշերը սկսում է կարճանալ, ցերեկը՝ երկարել)։

Ձմեռային արևադարձը լինում է ամեն տարի, երբ հյուսիսային բևեռը արևից ամենահեռու կետում է գտնվում, ուստի՝ արևից շատ քիչ քանակությամբ լույս է ստանում, հետևաբար՝ սա դառնում է տարվա ամենակարճ օրը:

Սովորաբար ձմեռային արևադարձը տեղի է ունենում դեկտեմբերի 21-ին, սակայն աստղաբաշխորեն ամենակարճ ճշգրիտ օրը կարող է մի քանի օրվա տարբերությամբ լինել: