ԱՄՆ-ում շղթայական ավտովթարի հետևանքով իրար է բախվել 69 մեքենա. կան տասնյակ տուժածներ (լուսանկարներ)

ԱՄՆ Վիրջինիա նահանգում նախօրեին`դեկտեմբերի 22-ին, մառախուղի և մերկասառույցի պատճառով իրար է բախվել 69 մեքենա, որի հետևանքով տուժել է 51 մարդ, հայտնում է նահանգային ոստիկանությունը Twitter սոցիալական կայքի իր էջում:

Ոստիկանների տեղեկություններով` տուժածներից 11-ը լուրջ վնասվածքներ են ստացել, սակայն նրանց կյանքին վտանգ չի սպառնում: Մնացած տուժածների վնասվածքներն աննշան են: Մահվան դեպք չի գրանցվել:

Մասսայական ավտովթարը արգելափակել է մայրուղու շարժը, սակայն այժմ ճանապարհը մաքրվել է, և երթևեկությունը վերականգնվել է: