Ղազախստանը վավերացրել է Թուրքիայի հետ ռազմական համագործակցության համաձայնագիրը
Ղազախստանի նախագահ Կասիմ Ժոմարտ Տոկաևը ստորագրել է «Ղազախստանի հանրապետության կառավարության և Թուրքիայի հանրապետության կառավարության միջև ռազմական համագործակցության համաձայնագրի վավերականացման» մասին օրենքը: Այս մասին տեղեկացնում է eadaily.com կայքը:
Համաձայնագիրը ստորագրվել է 2018թ. սեպտեմբերի 13-ին՝ Անկարայում: Փաստաթուղթը ենթադրում է ռազմական համագործակցության երկարաժամկետ զարգացում՝ հավասար իրավունքների և փոխադարձ շահերի սկզբունքներով: Համաձայնագրում խոսվում է զինվորականների կրթության, զորավարժությունների իրականացման, օդային ճանապարհով ռազմական կարողության տեղափոխման, բժշկական օգնություն հասցնելու, գիտական և տեխնիկական ոլորտներում հետազոտությունների անցկացման և համագործակցության մասին:
Ղազախ կուրսանտների ուսուցումը Թուրքիայում գտնվող ՆԱՏՕ-ի ռազմական կրթարաններում իրականացվում է անվճար: Մոտ 200 ղազախ սպաներ արդեն ավարտել են իրենց կրթությունը Թուրքիայում, ներկայումս այնտեղ սովորում է ևս 20-ը: Բացի այդ, Ղազախստանի պաշտպանության նախարարության ևս 14 սպա վերապատրաստում է անցնում Թուրքիայի ուսումնական կենտրոններում: Իսկ Ղազախստանի ազգային պաշտպանության համալսարանում ուսանում է Թուրքիայի 16 զինծառայող:
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին