Մեծահարուստը զանգվածային պսակադրություն է կազմակերպել հարյուրավոր անհայր աղջիկների համար (լուսանկարներ)
Հնդկաստանի Գուջարատ նահանգի Սուրատ քաղաքում տեղի է ունեցել 271 զույգի զանգվածային պսակադրություն, որին մասնակցած հարսանցուներին միավորել է մեկ ընդհանուր բան. նրանցից ոչ մեկը հայր չունի:
Ինչպես նշում է Daily Mail-ը, զանգվածային պսակադրությունն անցկացվել է ադամանդագործությամբ զբաղվող մեծահարուստ Մահեշ Սավանիի նախաձեռնությամբ և ֆինանսավորմամբ:
Նա նշել է, որ անհայր աղջիկներին կնության տալն Աստծո կողմից օրհնություն ստանալու պես մի բան է: Մահեշ Սավանին նաև ասել է, որ անհայր աղջիկների զանգվածային պսակադրությունն անցկացնում է 2010–ից ի վեր:
Պարբերականը նկատում է, որ Հնդկաստանում հարսանիքները բավական ծախսատար են. հարսնացուի կողմը, որպես ավանդույթ, պետք է մեծ օժիտ տա կանխիկ գումարի և նվերների տեսքով: Սովորաբար այդ բոլոր ծախսերը հոգում են հարսնացուների հայրերը, ինչը նշանակում է, որ եթե աղջիկը հայր չունի, ապա ամուսնանալու նրա շանսերը գրեթե զրոյանում են:
Մինչդեռ Մահեշը կարծում է, որ հայր չունեցող աղջիկներին պսակադրության հարցում օգնելն իր սոցիալական պատասխանատվությունն է: Առայսօր մեծահարուստի օգնությամբ 3172 աղջիկ է ամուսնացել:
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին