Ո՞վ է լինելու Աֆղանստանի հաջորդ նախագահը

Աֆղանստանի գործող նախագահ Աշրաֆ Գանին հայտնվել է երկրորդ ժամկետով վերընտրման շեմին՝ համաձայն երկրում նախագահական ընտրությունների արդյունքում ձայների նախնական հաշվարկների, հաղորդում է AFP-ը:

Ըստ անկախ ընտրահանձնաժողովի տվյալների՝ Գանին հավաքել է ձայների 50.64 տոկոսը՝ զգալի չափով առաջ անցնելով իր քաղաքական օպոնենետ Աբդուլա Աբդուլայից, որը հավաքել է ձայների 39.52 տոկոսը:

Մինչդեռ Աբդուլայի գրասենյակը հայտարարել է, որ 2019 թվականի սեպտեմբերի 28-ին կայացած նախագահական ընտրությունների արդյունքների պաշտոնական հրապարակումից անմիջապես հետո նրանք կբողոքարկեն այդ որոշումը:

«Մենք ցանկանում ենք կրկին պարզաբանել մեր ժողովրդի, կողմնակիցների, ընտրահանձնաժողովի եւ միջազգային դաշնակիցների համար, որ մեր թիմը չի ընդունելու այդ կեղծ քվեարկության արդյունքները, քանի դեռ չբավարարվեն մեր օրինական պահանջները»,-նշվում է Աբդուլայի գրասենյակի հայտարարության մեջ:

Սակայն անկախ ընտրահանձնաժողովը պնդում է, որ ընտրությունների ընթացքում ազնվորեն կատարել է իր պարտքը:

Լուրեր Հայաստանից - NEWS.am