Վայրէջք կատարած ինքնաթիռում ձեռքի ուղեբեռի համար նախատեսված դարակն ընկել է ուղևորների վրա

Բրազիլական Գուարուլյուս քաղաքից Ֆրանկֆուրտ թռած Airbus օդանավի ուղևորների վրա է ընկել ձեռքի ուղեբեռի համար նախատեսված դարակը, հայտնում է Aero In բրազիլական պորտալը:

Չնայած որ դեպքը տեղի է ունեցել դեկտեմբերի 14-ի գիշերը` այս մասին լրատվամիջոցներին միայն այսօր է հայտնի դարձել:

Դեպքի ականատեսները լուսանկարներ են արել, որոնցում երևում է, թե ինչպես է օդանավի ձեռքի ուղեբեռի համար նախատեսված դարակն ընկել ուղևորների նստատեղերի վրա: Լուսանկարներում երևում են օդանավի բորտուղեկցորդուհիները և ցամաքային ծառայության աշխատակիցները:

Latam Airlines ավիաընկերության պաշտոնական տվյալների համաձայն՝ Airbus A350 ինքնաթիռի դարակն ընկել է Ֆրանկֆուրտում օդանավի վայրէջքից անմիջապես հետո:

Լուրջ վնասվածքներ ստացողներ չեն եղել: