Հնդկաստանում տղամարդը այրել է իրեն բռնաբարության մեջ մեղադրող 18-ամյա աղջկան

Հնդկաստանում տղամարդը այրել է 18-ամյա աղջկան, որին իրեն մեղադրել է բռնաբարության մեջ։ Նա մահացել է հարձակումից վեց օր անց, հայտնում է AP-ը։

Կինը հարձակման է ենթարկվել անցյալ շաբաթ Ֆաթեհպուր քաղաքի ոստիկանություն բողոք ներկայացնելուց հետո։ Նա հոսպիտալացվել է մարմնի 99 տոկոս այրվածքներով եւ մահացել է վեց օր անց, հայտնել է բժիշկ Սանջայ Կալան։ Նրա խոսքերով՝ բժշկական հետազոտությունը ցույց է տվել, որ բռնաբարությունը քիչ հավանական է։

Նրա վրա հարձակված տղամարդը կալանավորվել է բռնաբարության եւ սպանության փորձի մեղադրանքով, իսկ ոստիկանությունը շարունակում է հետաքննությունը։

Սա այս ամիս Հնդկաստանում նման երկրորդ դեպքն է։ Ավելի վաղ այդպիսի հարձակման զոհ էր դարձել 23-ամյա կինը։ Հինգ տղամարդիկ, որոնցից երկուսին կինը մեղադրել էր բռնաբարության մեջ, նրա վրա բենզին էին լցրել եւ այրել։ Կնոջ վրա հարձակվել էին, երբ նա գնալիս էր եղել դատարան՝ իր գործի քննությանը։