Պե՞տք է արդյոք Լենինի մարմինը դուրս բերել դամբարանից. Պուտինի պարզաբանումը
Լենինի մարմինը չպետք է դուրս բերել դամբարանից այնքան ժամանակ, քանի դեռ երկրում կան մարդիկ, որոնց համար շատ թանկ են խորհրդային անցյալն ու Խորհրդային միության ձեռքբերումները՝ դեկտեմբերի 19-ի ասուլիսում ասաց Ռուսաստանի նախագահ Վլադիմիր Պուտինը։ Այս մասին հաղորդում է Sputnik-ը:
«Կոմերսանտի» լրագրող Անդրեյ Կոլեսնիկովը հիշեցրել է, որ Մարդու իրավունքների խորհրդի նիստում Պուտինը մեղադրել է Լենինին հազարամյա պետության տապալման մեջ։ Ուստի, շարունակել է Կոլեսնիկովը, հնարավոր է` եկել է նրա մարմինը դամբարանից հանելու ժամանակը։
Պուտինը սկսել է նրանից, որ Լենինն ավելի շուտ հեղափոխական էր, քան պետական գործիչ։
«Ես խոսել եմ մեր հազարամյա պետության մասին, որը խիստ կենտրոնացած, միավորված պետություն է եղել։ Բայց ի՞նչ է արել Լենինը։ Նա առաջարկել է նույնիսկ ոչ թե ֆեդերացիա, այլ կոնֆեդերացիա։ Նրա որոշմամբ` էթնոսները կապված են եղել կոնկրետ տարածքների հետ և իրավունք են ստացել դուրս գալ Խորհրդային միությունից»,- նշեց Պուտինը։
Բայց ՌԴ նախագահի խոսքով` տարածքներն այնպես են գծվել և մինչ օրս էլ այնպես են գծված, որ միշտ չէ, որ համապատասխանում են այդ ժողովուրդների բնակության վայրերին։ Հենց այդ պատճառով էլ առաջացել են ցավոտ կետեր։
«Այդ կետերը կան ոչ միայն ԽՍՀՄ նախկին հանրապետությունների միջև, այլ նաև Ռուսաստանի ներսում։ Եթե հանկարծ մի վայրկյանով բաց թողնենք երկու հազար կետը, քիչ չի թվա»,- ասել է նա։
Ինչ վերաբերում է Լենինին, ապա դա այլ հարց է։ ՌԴ նախագահի կարծիքով` պետք չէ ձեռք տալ նրան, ամեն դեպքում այնքան ժամանակ, քանի դեռ բազմաթիվ մարդիկ կան, որոնք նրա հետ կապել են իրենց կյանքը, խորհրդային տարիների ձեռքբերումները։ Պուտինը կարծում է, որ պետք է ուղղակի առաջ գնալ և ակտիվորեն զարգանալ։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Ամբերդ ամրոց և Քարի լիճ տանող ավտոճանապարհները փակ են
Մենք ուզում ենք, որ դուք օր առաջ տնավորվեք ՀՀ-ում