Մոսկվայի օդանավակայաններում Իսրայելի շուրջ 50 քաղաքացու են ձերբակալել

Մոսկվայի «Դոմոդեդովո» և «Շերեմետևո» օդանավակայաններում ընդհանուր առմամբ Իսրայելի մոտ 50 քաղաքացի է ձերբակալվել: Այս մասին հայտնում է Коммерсантъ-ը՝ նշելով, որ Իսրայելի դեսպանատունը պարզաբանումներ է պահանջել Մոսկվայից ձերբակալության պատճառների վերաբերյալ:

Պարբերականի աղբյուրի հաղորդմամբ՝ ձերբակալության պատճառ է դարձել միգրացիոն օրենսդրության խախտումը: Աղբյուրի տվյալներով՝ ռուս սահմանապահները մուտքի արտոնագրեր են պահանջել իսրայելցիներից, թեև երկրների միջև ազատ վիզային ռեժիմ է գործում:

РИА Новости-ի տվյալներով՝ 40 իսրայելցի ձերբակալվել է «Դոմոդեդովոյում»:

Նշվում է, որ սա Իսրայելի քաղաքացիների հետ կապված առաջին դեպքը չէ ռուսական սահմանին: