Ժիրինովսկին կոչ է արել վերացնել ալկոհոլը Դումայի ճաշարաններից
Ռուսաստանի Լիբերալ Դեմոկրատական կուսակցության առաջնորդ Վլադիմիր Ժիրինովսկին կրկին հանդես է եկել Դումայի ճաշարաններից ալկոհոլային խմիչքները վերացնելու մասին առաջարկով:
Բացի այդ, նա հավելել է, որ սպիրտային խմիչքները պետք է տեղափոխել խանութների ընդհանուր սրահներից և թաքցնել նախազգուշացնող գրությամբ վարագույրի հետևում:
ТАСС գործակալության փոխանցմամբ՝ իր դիրքորոշումը քաղաքական գործիչը հայտնել է խաղողագործության և գինեգործության մասին օրենքի քննարկման ժամանակ:
«Պետք է ընդհանրապես վերջ դնել ալկոհոլի վաճառքին ամենուր, սահմանափակել ամեն ինչ, չբացել ծխելու համար նախատեսված սենյակներ, փակել այդ բոլոր խմելու տեղերը և խանութներում ոչ մի տեղ չերևացնել այդ շշերը, թող վարագույրի հետևում դրվեն, որի վրա կլինի «թույն» գրությունը: Պետք է սկսել մեր ճաշարանից, վերացնել ողջ ալկոհոլը և հակաալկոհոլային արշավ իրականացնել երկրում, որպեսզի սթափ մարդիկ լինեն մեր երկրում»,- ասել է Ժիրինովսկին:
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին