Կոյուղուց 100 տոննայանոց «ճարպային հրեշ» են հանել
Լոնդոնում գրեթե 100 տոննա քաշ ունեցող հսկայական «ճարպային հրեշը» են հանել կոյուղուց, հաղորդում է Independent-ը:
Քաղաքի կենտրոնում կոյուղու կոլեկտորներից տեղական ծառայության աշխատակիցները երկու հսկայական ճարպի «սառցաբեկորներ» են հանել՝ յուրաքանչյուրը տասնյակ տոննա քաշով: Հաղորդվում է, որ «ճարպային հրեշների» պատճառով քաղաքը կարող էր հեղեղվել կոյուղաջրերով արդեն Սուրբ Ծննդյան տոներին:
«Ճարպային հրեշները» ձևավորվում են սառած ճարպից, մազերից, յուղից և անձեռոցիկներից, որոնք նետում են զուգարանակոնքի մեջ: Այս ամենը տարիների ընթացքում հսկայական թանձրուկի է վերածվում:
Նման 30 տոննայանոց թանձրուկ է հայտնաբերվել Լոնդոնում՝ Կաֆեդրալ-սթրիթի տակ, The Shard երկնաքերի մոտակայքում: Այն ձգվել է 70 մետր: Իսկ Փել-Մել փողոցի տակ գտել են 63 տոննայանոց թանձրուկ:
Ընկերության աշխատակիցները ստիպված են եղել աշխատել շուրջօրյա, որպեսզի Սուրբ Ծննդյան տոներին Լոնդոնը չհեղեղվի կոյուղաջրերով:
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին