Նորզելանդական հրաբխից տուժածներին փոխպատվաստում են մեռած դոնորների մաշկ

Շատ մարդիկ են տուժել Նոր Զելանդիայում հրաբխի ժայթքման պատճառով, եւ նրանցից ոմանք այժմ մաշկի փոխպատվաստման կարիք ունեն, որը վեցնում են մեռած դոնորներից։

Նորզելանդական Օքլենդի Middlemore Hospital հիվանդանոցի աշխատակից, պլաստիկ վիրաբույժ-խորհրդական, բժիշկ Միշել Լոքը պատմել է այն մասին, թե ինչպես է ներկա պահին բուժում 8 տուժածի։ Նրանցից հինգը նախկինի պես կրիտիկական վիճակում է։ Մասնագետը հարցազրույց է տվել Radio New Zealand-ին, որում ասել է, որ պացիենտները ծանր թերմիկ այրվածքներ ունեն, եւ մաշկի փոխպատվաստման անհրաժեշտություն կա մեռած դոնորներից։

Նորզելանդացի պլաստիկ վիրաբույժները ստանում են դոնորական մաշկ ԱՄՆ-ից եւ Ավստրալիայից, որոնց արժեքը միլիոնավոր դոլարներ է։ Միեւնույն ժամանակ, մեռած մարդկանց մաշկը միայն ժամանակավոր լուծում է, քանի որ այն հարմար չէ պացիենտներին կենսաբանական պատճառներով, ինչպես եթե նրանց փոխպատվաստեին ոչ հարմար օրգաններ, որոնք մարմինը չի ընդունի ամեն պարագայում։ Ավելի հաջող վիրահատության համար հարկավոր է փնտրել օրգաններ, որոնք առավելագույն չափով հարմար կլինեն ռեցիպիենտի օրգանիզմի համար։

Վիրաբույժը պատմել է, որ այրվածքների դեպքում մեռածի մաշկը հանդես է գալիս ինքնատիպ կենսաբանական բժշկական վիրակապերի դերում։ Սովորաբար այն մնում է մարմնի վրա մինչեւ երկու շաբաթ։ Այդ մաշկի օգնությամբ ախտահարված գոտին մնում է ծածկված, ինչը թույլ է տալիս նրան արդյունավետ ապաքինվել։ Հետագայում կարելի է նորից այդ գոտին փոխարինել մեռածից վերցված թարմ մաշկով կամ փոխպատվաստման համար մաշկ վերցնել պացիենտների չվնասված գոտիներից։