ԱՄՆ տնտեսական ահաբեկչությունն Իրանի դեմ հավերժ չի տեւի. Ռոհանի

Իրանի դեմ ԱՄՆ տնտեսական ահաբեկչությունը հավերժ չի տեւի, ասել է երկրի նախագահ Հասան Ռոհանին՝ ընդգծելով, որ բոլոր երկրները ձգտում են բարեկամական կապեր պահպանել իսլամական հանրապետության հետ, տեղեկացնում է Mehr-ը։

Նրա խոսքով՝ Կուալա Լումպուրի գագաթաժողովը լավ հնարավորություն է համաշխարհային առաջնորդների համար՝ լուծելու տարածաշրջանային եւ միջազգային խնդիրները։ «Մենք կարծում ենք, որ բանակցությունները տարածաշրջանային խնդիրների լուծման միակ միջոցն են»,- ընդգծել է նա։

Միջոցառմանը, որը տեղի է ունենալու դեկտեմբերի 18-21-ին, կմասնակցեն 400 միջազգային գործիչներ, այդ թվում՝ 250 համաշխարհային առաջնորդներ եւ քաղաքական գործիչներ 52 երկրներից։ Մասնակիցները պետք է քննարկեն մուսուլմանական աշխարհի ամենակարեւոր խնդիրները։

Այնուհետեւ Ռոհանին կմեկնի Տոկիո՝ բանակցելու Ճապոնիայի վարչապետ Սինձո Աբեի հետ։