Ռոստովից Երևան ծրագրված չվերթը հետաձգվել է

Դոնի Ռոստովի «Պլատով» օդանավակայանում խիտ մառախուղը 7 չվերթի հետաձգման պատճառ է դարձել: Այս մասին տեղեկացնում է interfax-russia.ru կայքը:

Հետաձգված չվերթներից մեկը Ռոստով-Երևան չվերթն է եղել, որը ծրագրված էր դեկտեմբերի 17-ին՝ ժամը 08:30-ին, սակայն այն կայացել է մեկ ժամ ուշացումով:

Հետաձգվել է նաև Երևան-Ռոստով չվերթը:

«Հետաձգվել է ժամանող 4 չվերթ՝ Երևանից, Նիժնի Նովգորոդից և երկուսը Մոսկվայից: Հետաձգվել է նաև 3 թռիչք Ռոստովից՝ երկուսը դեպի Մոսկվա և մեկը՝ դեպի Երևան»,-հայտնել են օդանավակայանի մամուլի ծառայությունից:

Մամուլի ծառայությունում նշել են նաև, որ մառախուղը ցրվում է, և օդանավակայանը շուտով կվերսկսի բնականոն հունով աշխատանքը: